Գերմանիայի տնտեսության մեջ պատմական ռեկորդ է գրանցվել

Գերմանիայի հյուսիսում արտահանումն աճել է 14,9 տոկոսով՝ ի տարբերություն անցած ամսվա, ինչը ռեկորդային է՝ 1990 թվականից սկսած, հաղորդում է Լենտա․Ռու-ն՝ հղում անելով երկրի Դաշնային վիճակագրական գործակալությանը։

Եվրոպայի գլխավոր տնտեսության ներկրումն աճել է 7 տոկոսով՝ ի տարբերություն մայիսի տվյալների՝ սահմանելով ռեկորդ՝ 2010-ից սկսած։ Գերմանիան արտահանել է 96,1 միլիարդ եվրոյի չափով ապրանք, իսկ ներկրել՝ 80,5 միլիարդ եվրոյի չափով։ ԳԴՀ-ի արտաքին առեւտրի ավելցուկը կազմել է 14,5 միլիարդ եվրո։

Սակայն ի տարբերություն անցած տարվա՝ հունիսին արտահանման ծավալն անկել է 9.4 տոկոսով։ Ավելացել է արտահանումը դեպի Չինաստան (15,4 տոկոսով)։ Հունիսին Գերնանիայի արդյունաբերությունն ավելացել է 8,9 տոկոսով։

Այդ տվյալները վկայում են, որ Գերմանիան կարող է վերականգնվել ավելի արագ, քան հարեւանները, նշում են Bloomberg-ի կողմից հարցված փորձագետները։ Երկիրը կարող է հաղթահարել երկրորդ եռամսյակի ՀՆԱ-ի անկման կեսն արդեն երրորդ եռամսյակում, համարում է Բերենբերգի համալսարանի գլխավոր տնտեսագետ Հոլգեր Շմիդինգը։

Արդյունաբերությունը վերականգնվում է եվրագոտու այլ երկրներում նույնպես։ Ֆրանսիան հայտնել է հունիսին արտադրության 12,7 տոկոս աճի մասին, Իսպանիան՝ 14 տոկոս աճի մասին։

Եվրահանձնաժողովը կանխատեսում է, որ գերմանական տնտեսությունը կկրճատվի 6,3 տոկոսով այս տարի եւ կաճի 5,3 տոկոսով 2021 թվականին։ Երկրորդ եռամսյակում երկրի ՀՆԱ-ն անկել էր 10,1 տոկոսով կորոնավիրուսի համավարակի հետեւանքով՝ ի տարբերություն նախորդ եռամսյակի։ Հուլիսին գործազրկությունը մնացել է 6.4 տոկոսի մակարդակում։