Պենտագոնի ղեկավարը հույս ունի հունիսին դեմ առ դեմ հանդիպել Չինաստանի պաշտպանության նախարարի հետ
ԱՄՆ պաշտպանության նախարար Լլոյդ Օսթինը ասել է, որ անհամբերությամբ սպասում է Սինգապուրում Շանգրի-Լա Դիալոգ ֆորումի շրջանակներում չինացի գործընկեր Վեյ Ֆենհեի հետ հունիսին կայանալիք դեմ առ դեմ հանդիպմանը: «Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ հղում անելով նրա հայտարարությանը։
«Ես նրան կտեսնեմ հունիսին Շանգրի-Լա Դիալոգում»,- ասել է Օսթինը։
Օսթինն ընդգծել է, որ ԱՄՆ-ն և Չինաստանը գիտակցում են կապի պահպանման և հաղորդակցության բաց ուղիների կարևորությունը։ Նա նշել է, որ ապրիլի վերջին հեռախոսազրույց է ունեցել Վեյ Ֆենհեի հետ։
«Մենք միասին ցանկանում ենք վստահ լինել, որ աշխատում ենք տարածաշրջանում անվտանգության և կայունության խթանման ուղղությամբ: Ուստի, ես ակնկալում եմ, որ ոչ հեռու ապագայում կրկին շփումներ կունենանք նրա հետ», - ասել է Պենտագոնի ղեկավարը:
Կարծիքներ