Ամերիկացի սենատորն ասում է, որ Կիևին օգնության նոր փաթեթի վրա աշխատանքը կսկսվի հաջորդ շաբաթ

Սենատի դեմոկրատական ​​մեծամասնության առաջնորդ Չակ Շումերը (Նյու Յորքից) ակնկալում է, որ վերին պալատը կսկսի աշխատել օրենսդրական նախաձեռնության վրա՝ ամերիկյան լրացուցիչ օգնություն հատկացնելու Ուկրաինային արդեն հաջորդ շաբաթ: ՏԱՍՍ֊ի հաղորդմամբ՝ այդ մասին նա հայտարարել է երկուշաբթի օրը Սենատում կայացած հանդիպման ժամանակ, որը հեռարձակվել է C-SPAN ալիքով:

Շումերը նշել է, որ մտադիր է նշված օրինագծում ներառել ռուս գործարարների ակտիվների բռնագրավման հնարավորության մասին դրույթ՝ դրանք վաճառելու և հասույթը Կիևին փոխանցելու համար։ Նրա խոսքով՝ խոսքը, մասնավորապես, ԱՄՆ-ում ռուս ձեռնարկատերերից զբոսանավերի, առանձնատների և այլ գույքի բռնագրավման մասին է, որոնց նկատմամբ Վաշինգտոնը նախկինում պատժամիջոցներ էր կիրառել։

Անցյալ շաբաթ Բայդենը Կոնգրեսին հավելյալ 33 միլիարդ դոլարի խնդրանք ներկայացրեց՝ Ուկրաինային «անվտանգության, տնտեսական և հումանիտար ոլորտներում» աջակցելու համար։