Հայ մարզիկները կմասնակցեն Եվրոպայի երիտասարդական ձմեռային օլիմպիական փառատոնին
Ֆինլանդիայի Վուոկատի քաղաքում մարտի 20–ին կմեկնարկի Եվրոպայի երիտասարդական ձմեռային օլիմպիական փառատոնը: Մասնակիցների թվում կլինեն նաև մեր երկրի ներկայացուցիչները:
ՀԱՕԿ-ից տեղեկանում ենք, որ Հայաստանի պատվիրակության գլխավոր հանձնակատար Գագիկ Բոլշիկյանն այսօր մրցավայր կուղեկցի լեռնադահուկորդ Հայկ Հովհաննիսյանին, դահուկավազորդներ Անգելինա Մուրադյանին, Սպարտակ Ոսկանյանին, մարզիչներ Էդգար Սողոմոնյանին, Ալլա Միքայելյանին և ՀԱՕԿ-ի ներկայացուցիչ Աննա Մելքոնյանին:
Ծրագրում ընդգրկված է ինը մարզաձև: Մրցումներին կմասնակցեն 14-18 տարեկան տղաներ և աղջիկներ:
Փառատոնը կավարտվի մարտի 26-ին:
Կարծիքներ