Վիետնամական դատարանը 28-ամյա տղամարդուն դատապարտել է հինգ տարվա ազատազրկման կարանտինի կանոնները խախտելու համար

Վիետնամական դատարանը 28-ամյա տղամարդուն դատապարտել է հինգ տարվա ազատազրկման և տուգանքի՝ հուլիսի սկզբին կորոնավիրուսային հիվանդության ժամանակ մեկուսացման կանոնները խախտելու համար:

Լե Վան Տրին մեղավոր է ճանաչվել ութ մարդու կորոնավիրուսով վարակելու մեջ, որոնցից մեկը մահացել է: Հետաքննությունը պարզել է, որ տղամարդը, վարակված լինելով, շարժվել է երկրի հարավում գտնվող Հոշիմին քաղաքից դեպի իր  հայրենի նահանգ և դիտավորյալ կեղծ տեղեկություններ է նշել առողջության վերաբերյալ:

Վիետնամում՝ համաճարակի մեկուկես տարվա ընթացքում, ըստ պաշտոնական վիճակագրության, ավելի քան 530 հազար մարդ հիվանդացել է Covid-19-ով, ավելի քան 13․300-ը մահացել են: Այնուամենայնիվ, մահացությունների մեծ մասը տեղի է ունեցել վերջին մի քանի ամիսների ընթացքում:

Ըստ գիտնականների՝ մահացության թռիչքի պատճառը ավելի վտանգավոր «Դելտա» շտամի տարածումն է: Իշխանությունները կարծում են, որ վիճակագրության վատթարացումը պայմանավորված է նաև նրանով, որ շատ վիետնամցիներ դադարել են կատարել կառավարության հրամանները:

Դեպքերի ամենամեծ աճը նկատվում է երկրի ամենամեծ քաղաքում ՝ Հոշիմին քաղաքում: