Հիմնանորոգվել են Բյուրեղավանի պոլիկլինիկայի շենքի տարածքը, տանիքն ու բակը

Հիմնանորոգվել է Անդրանիկ Պետրոսյանի անվան Բյուրեղավանի քաղաքային պոլիկլինիկայի վարչական շենքի ամբողջ տարածքը, տանիքն ու բակը։ Այդ մասին Ֆեյսբուքի էջում հայտնել է Կոտայքի մարզպետ Մեսրոպ Մեսրոպյանը: 

«Աշխատանքներն իրականացվել են 2020 թվականի սուբվենցիոն ծրագրով՝ ՀՀ Կառավարություն-համայնք 30% - 70% համաֆինանսավորմամբ։

Ամբողջովին փոխվել է պոլիկլինիկայի բակը, ցանկապատվել, ասֆալտապատվել և կանաչապատվել է ամբողջ տարածքը, կառուցվել են աստիճանավանդակներ, ավտոկայանատեղի, շտապօգնության մեքենայի շվաքարան:

Ծրագրի արժեքը 43․560.000 ՀՀ դրամ է:

Պոլիկլինիկայում շինարարական աշխատանքները մեկնարկել էին դեռ անցյալ տարի: Կրկին Կառավարության սուբվենցիոն ծրագրի շրջանակներում բուժհաստատության առաջին հարկում կառուցվել է թվային հետազոտության սենյակ, կապիտալ վերանորոգվել են շենքի սանհանգույցները»,- գրել է մարզպետը: