Ցուկերբերգին և նրա կնոջը դատի են տվել իրենց ընկերությունում ոտնձգությունների և խտրականության համար

Դատական ​​փաստաթղթերի համաձայն՝ հայցվորները ոտնձգությունների են ենթարկվել իրենց սեքսուալության, ինչպես նաև մաշկի գույնի պատճառով։

Մարկ Ցուկերբերգին և նրա կնոջը՝ Պրիսցիլա Չանին պատկանող ընկերություններից մեկի նախկին աշխատակիցները դատի են տվել նրանց։

Ինչպես հայտնել է NBC հեռուստատեսությունը՝ վկայակոչելով դատական ​​փաստաթղթերը, հայցը վերաբերում է ոտնձգություններին այն կառույցներում, որտեղ աշխատել են տուժողները։ Հեռարձակողի տվյալներով՝ երկու աշխատակիցներ, որոնք աշխատել են Ցուկերբերգի ընտանեկան ընկերությունում, մյուս աշխատակիցներին մեղադրում են սեռական ոտնձգությունների և խտրականության մեջ ներգրավվածության մեջ։ Դատական ​​փաստաթղթերի համաձայն՝ հայցվորները, ովքեր ԼԳԲՏ համայնքի ներկայացուցիչներ են, հետապնդվել են իրենց կողմնորոշման, ինչպես նաև մաշկի գույնի պատճառով։ Ցուկերբերգի խոշորագույն ընկերություններից Facebook-ը չի մասնակցում դատական ​​գործընթացին, նշում է NBC-ն։ Այն մասին, որ Ցուկերբերգն ու նրա կինը անձամբ են հետապնդել ենթականերին, նյութում չի նշվում, սակայն նրանք դատական ​​հայցում մեղադրյալներ են։ Միաժամանակ Ցուկերբերգի կնոջ ներկայացուցիչը հայտարարել է, որ մեղադրանքները չեն կարող ապացուցվել: Հեռուստաընկերության տվյալներով՝ դատարանը այս գործով դեռ նիստ չի նշանակել։