Շիրակի մարզի Հոռոմ գյուղում խոտածածկ տարածք է այրվել

Այսօր ժամը 16․00 -ի սահմաններում ԱԻՆ Շիրակի մարզի փրկարարական վարչությունը ահազանգ է ստացել այն մասին, որ Արթիկի տարածաշրջանի Հոռոմ գյուղում խոտածածկ տարածք է այրվում: Դեպքի վայր է  հասել 1 մարտական հաշվարկ:

Հրդեհը  բռնկվել է Հոռոմ և Հայրենյաց գյուղերի միջև գտնվող սարի վրա, որը Հոռոմ գյուղի համար ծառայում է որպես արոտավայր: Այս մասին SHANTNEWS-ին հայտնել  է Հոռոմի գյուղապետ Աշոտ Պասկևիչյանը։Նախնական տվյալներով այրվել է մոտ 1 հեկտար խոտածածկ տարածք:

Հրդեհը հրշեջները մեկուսացրել են, կանխել են կրակի տարածումը։ Հրդեհը ամբողջությամբ մարվել է:

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։