Իրանն ու Չինաստանը 25 տարի ժամկետով համագործակցության համաձայնագիր են ստորագրել
Իրանը և Չինաստանը 25-ամյա «Համապարփակ ռազմավարական գործընկերության» համաձայնագիր են ստորագրել: Այս մասին տեղեկացնում է «ՌԻԱ Նովոստի» գործակալությունը:
Համաձայնագիրը ստորագրել են այցով Թեհրանում գտնվող Չինաստանի արտգործնախարար Վան Ին և Իրանի արտգործնախարար Մոհամադ Ջավադ Զարիֆը: Հանդիպման ընթացքում երկուստեք պայմանավորվել են ընդլայնել երկկողմ հարաբերությունները:
Ավելի վաղ Իրանի ԱԳՆ խոսնակ Սաիդ Խատիբզադեն հայտարարել էր, որ փաստաթուղթը կվերաբերվի երկու երկրների համագործակցության քաղաքական ու տնտեսական հարցերին: Մասնավորապես, ուշադրություն է դարձվում տարբեր ոլորտներում տնտեսական համագործակցությանը, մասնավոր հատվածին և «Մեկ գոտի, մեկ ճանապարհ» նախաձեռնությանը Իրանի մասնակցությանը:
Կարծիքներ