Հայաստանը ռուսների ամանորյա հանգստի նախընտրելի ուղղությունների հնգյակում է

Ավիատոմսերի ձեռքբերման «Aviasales» ծառայության ուսումնասիրության արդյունքներով, ռուսաստանցիների շրջանում ամանորյա տոների ամենասիրված ուղղությունների ցանկում Հայաստանը զբաղեցրել է 4-րդ տեղը։

ՏԱՍՍ-ի փոխանցմամբ՝ ամանորյա տոներին Հայաստանին բաժին է ընկել ավիատոմսերի գնման 7%-ը։ Այս ցուցանիշով Հայաստանից առաջ են Թաիլանդը (11%), Ուզբեկստանը (10%), Թուրքիան (8%)։

Ռուսները ծրագրում են թռիչքներ իրականացնել նաև դեպի ԱՄԷ, Ղազախստան, Բելառուս (6%) և Վրաստան (5%ս):

Հետազոտության համաձայն` միջին հաշվով ռուսները արձակուրդ են ամրագրում 10 օրով, իսկ Թաիլանդում և Ինդոնեզիայում հանգստացողները նախատեսում են մնալ 17 օրով: Ընդ որում`ավիատոմսերի 12 տոկոսը բաժին է ընկնում երեխաներ ունեցող ուղևորներին։