Իրանի նախագահի ուղղաթիռի կործանման հետ կապված միջադեպը տեղի է ունեցել միջազգային հարաբերությունների համար զգայուն պահին

Իրանի նախագահի ուղղաթիռի կործանման հետ կապված միջադեպը տեղի է ունեցել մի քանի օր անց այն բանից հետո, երբ Իրանի իշխանությունները անուղղակի բանակցություններ են վարել ամերիկյան վարչակազմի ներկայացուցիչների հետ, գրում է The New York Times-ը։

Ինչպես նշում է թերթը, վթարը «պատահել է միջազգային հարաբերությունների համար զգայուն պահին՝ ընդամենը մի քանի օր այն բանից հետո, երբ Իրանի և Ամերիկայի բարձրաստիճան պաշտոնյաները միջնորդների միջոցով բանակցություններ են վարել՝ փորձելով նվազեցնել Մերձավոր Արևելքում հակամարտությունների ընդլայնման վտանգը»։

Այս բանակցությունները, ըստ թերթի, դարձել են Թեհրանի և Վաշինգտոնի միջև առաջին շփումը այն բանից հետո, երբ Իրանը ապրիլին անօդաչու թռչող սարքեր օգտագործեց իսրայելական ռազմական օբյեկտների վրա հարձակվելու համար՝ ի պատասխան Դամասկոսում Իրանի դեսպանատան հյուպատոսական բաժնի իսրայելական օդուժի հրթիռակոծման։