Վերանայել հարաբերությունները ԱՄՆ-ի հետ. ադրբեջանցի պատգամավորները դիմել են ԱԳՆ-ին

Ադրբեջանցի 43 պատգամավորներից բաղկացած խումբը նամակ է ստորագրել՝ ԱՀ նախարար Ջեյհուն Բայրամովին կոչ անելով վերանայել երկրի համագործակցությունը Միացյալ Նահանգների հետ։

Պատգամավորները գրել են, որ Միացյալ Նահանգները բաժանարար գծեր է ստեղծում տարածաշրջանում:

Նամակով նրանք կոչ են արել դադարեցնել 1997 թվականին ստորագրված «Ապագա ռազմական և պաշտպանական կապերի մասին համատեղ հայտարարությունը» և 2013 թվականին Ադրբեջանի և ԱՄՆ պաշտպանության նախարարությունների միջև ստորագրված «Սարքավորումների և փոխադարձ ծառայությունների գնման մասին» համաձայնագիրը։

Նախօրեին Ադրբեջանի նախագահ Իլհամ Ալիևը հայտարարել էր, որ ԱՄՆ-ը շահարկում է Ադրբեջանի դեմ պատժամիջոցները։