Ռուսաստանը ԼՂ նախկին ղեկավարության ներկայացուցիչների ազատ արձակման և Հայաստան վերադարձնելու հարցում օգնության առաջարկ չի ստացել. Զախարովա
Ռուսաստանն Ադրբեջանի կողմից ձերբակալված Լեռնային Ղարաբաղի նախկին ղեկավարության ներկայացուցիչների ազատ արձակման և Հայաստան վերադարձնելու հարցում օգնության առաջարկ չի ստացել։ Այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Հարցին, թե Մոսկվան արդյոք ինչ-որ բան անո՞ւմ է նրանց ազատ արձակելու համար, Մարիա Զախարովան նշել է, որ հարցերը պետք է ուղղել Հայաստանի ԱԳՆ-ին։
«Նշված քաղաքացիները Հայաստանի քաղաքացիներ են, մի մասը հրաժարվել է Ռուսաստանի քաղաքացիությունից, իսկ մյուսները ի սկզբանե միայն դա են ունեցել։ Մեզ հետ ոչ ոք չի կապվել։ Պաշտոնական կամ ոչ պաշտոնական կոչեր չեն եղել, եթե հաշվի չառնենք տեղեկատվական ոլորտը և այնտեղ ասվածի մեծ մասը»,- նշել է Զախարովան։
Կարծիքներ