Գերմանիայում հայտարարել են, որ Լեհաստանի նախագահը վիրավորել է Մերկելին

Լեհաստանի նախագահ Դուդան Գերմանիայի կանցլեր Մերկելի՝ Վարշավա կատարած այցի ժամանակ վիրավորել է նրան։
Վարշավան ջերմ դիմավորել է Գերմանիայի կանցլեր Անգելա Մերկելին, իսկ Լեհաստանի նախագահ Անջեյ Դուդան վիրավորել է իր գերմանացի գործընկերոջը ՝ հրաժարվելով նրա հետ հանդիպումից, գրում է Риа новости-ն՝ հղում կատարելով Die Welt թերթին:

Հոդվածի հեղինակ Ֆիլիպ Ֆրիցը գրել է, որ, ըստ նրա, Մերկելի եւ Դուդայի հանդիպումը նախապես ծրագրված էր, սակայն Վարշավա ժամանելուն պես Գերմանիայի կանցլերը ստիպված էր փոխել այցի ծրագիրը:
«Իհարկե, մի փոքր ուշ նա, Լազիենկի այգում, վարչապետ Մատեուշ Մորավիեցկուց ծաղկեփունջ ստացավ, սակայն նախագահ Դուդան, ով պետության առաջին դեմքն է, չի ողջունել Մերկելին», - ասվում է հրապարակման մեջ:
Die Welt- ը նշել է, որ լեհական ԶԼՄ -ները Մերկելի ժամանումից մի քանի օր առաջ տեղեկացրել են, որ Դուդայի հետ հանդիպումը կարող է չկայանալ, քանի որ վերջինս պետք է մասնակցեր Կատովիցեում անցկացվող ոգեկոչման միջոցառումներին:
Ըստ Ֆրիցի, այս կերպ լեհական կողմը որոշել է պատասխանել Մերկելին ՝ Դուդային Բեռլինում կառավարության խորհրդակցություններին չհրավիրելու համար: Լրագրողն ասել  է, որ ԵՄ երկրներից ոչ մեկը Լեհաստանին չի վերաբերվում նույնքան սառն, որքան Գերմանիան, իսկ Վարշավայի քայլը վիրավորանք է, որը վկայում է երկու պետությունների հակամարտության մասին: