Ֆրանսիայում մշակել են հատուկ հակավիրուսային դիմակ մարզիկների համար
Ֆրանսիայի սպորտի նախարարությունը եւ հանրապետության առողջապահության նախարարությունն ավարտել են մարզիկների համար հատուկ հակավիրուսային դիմակի մշակման նախագիծը: Հունվարի 24-ի երեկոյան այդ մասին հայտնել Է France Info ռադիոկայանը:
Դիմակը պատրաստված Է հատուկ բազմաշերտ եւ ֆիլտրող փափուկ կտորից, որը հաճելի զգացումներ Է առաջացնում դեմքին հպվելիս: Միեւնույն ժամանակ դիմակի ձեւը փոքր-ինչ ձեւավոխված Է, որպեսզի այն չքսվի շրթունքներին եւ չներքաշվի բերանը նույնիսկ ինտենսիվ շնչառության ժամանակ, ինչն անխուսափելիորեն տեղի Է ունենում սովորական բժշկական դիմակով վազել փորձելիս:
Նաեւ կատարելագործվել Է դրա ամրակապը, որպեսզի այն դեմքին չշարժվի տարբեր շարժումների ժամանակ: Մշակողները հայտարարել են, որ այն շատ հարմար Է, եւ դրանով շնչելը հեշտ Է, ի տարբերություն գոյություն ունեցող բոլոր մյուս մոդելների: Դմակը հաջողությամբ արտոնագրված Է: Ընդ որում, ինչպես հայտարարել են մշակողները, արտադրության այդ արտոնագիրը կտրամադրվի դրա արտադրության հարցում բոլոր շահագրգիռ ձեռնարկություններին, հաղորդել Է ՏԱՍՍ-ը:
Կարծիքներ