Դելիում օդի աղտոտվածությունը գերազանցել է ծայրահեղ վտանգավոր մակարդակը

Օդի աղտոտվածությունը Հնդկաստանի մայրաքաղաք Դելիում (ներառյալ Նյու Դելի) ուրբաթ առավոտյան գերազանցել է չափազանց վտանգավոր մակարդակը, բարելավում չի սպասվում: Այս մասին հայտնում է ՏԱՍՍ-ը։

Երկրի օդերևութաբանության վարչության տվյալներով՝ մայրաքաղաքում օդի որակի ինդեքսը (AQI) կազմել է 500-ից ավելի։

Լավ օդը համարվում է, երբ AQR-ը 0-ից 50 է, իսկ բավարարը՝ 51-ից 100: 151-200-ի դեպքում օդը համարվում է չափավոր աղտոտված, 201-300-ը՝ խիստ աղտոտված, իսկ 300-ից ավելին՝ վտանգավոր աղտոտված: 400-ից բարձր մակարդակը, ըստ իշխանությունների, վկայում է չափազանց վտանգավոր աղտոտման մասին:

Դելիի աղտոտման վերահսկման կոմիտեն հայտնել է, որ քաղաքի մի շարք կենտրոնական թաղամասերում օդում 2,5 միկրոմետրից պակաս տրամագծով մասնիկների կոնցենտրացիան հասել է 999-ի։ Սա առավելագույնն է քաղաքում տեղադրված չափիչ գործիքների համար։ Ուստի կարելի է ենթադրել, որ աղտոտվածության աստիճանը գերազանցել է 1000-ը։

Օդերեւութաբանները զգուշացնում են, որ օդի որակը չի բարելավվի մինչեւ նոյեմբերի 7-ի երեկոյան։

Օդի աղտոտվածության հիմնական պատճառը բերքահավաքից հետո Նյու Դելիի մերձակայքում գտնվող հնձած դաշտերում կոճղերի և ծղոտի զանգվածային այրումն է:

Ըստ հնդիկ գիտնականների՝ աղտոտված օդը միջինը վեց տարով նվազեցնում է քաղաքի բնակիչների կյանքի տևողությունը։