Կամերունի անտառում ինքնաթիռ է կործանվել

Չորեքշաբթի օրը Կամերունի կենտրոնում վթարի է ենթարկվել մասնավոր գազատար ընկերությանը պատկանող ինքնաթիռ, որում եղել է 11 մարդ:

Այս մասին հայտնում է Agence France-Presse (AFP)՝ երկրի տրանսպորտի նախարարությանը հղումով։

Գերատեսչության ներկայացուցիչը հայտնել է, որ կարգավորիչները սկզբում կորցրել են ռադիոկապի կապն օդանավի հետ, ապա ինքնաթիռը հայտնաբերվել է Նանգա Էբոկո քաղաքի մոտ գտնվող անտառում։ «Մեր թիմերը փորձում են պարզել՝ հնարավո՞ր է փրկել մարդկանց», - AFP-ին ասել է պաշտոնյան, ով խնդրել է իր անունը չհրապարակել: Վթարի զոհերի մասին տեղեկություն դեռ չի ստացվել։

Ինքնաթիռը վարձակալվել է Cameroon Oil Transportation Company SA (COTCO) կողմից, որը պատասխանատու է Կամերունի և հարևան Չադի միջև խողովակաշարի պահպանման և վերանորոգման համար, գործակալությանը հայտնել է ավիացիայի մեկ այլ բարձրաստիճան պաշտոնյա: