Չինաստանը COVID-19-ի 22 պատվաստանյութ կփորձարկի
Չինաստանի Սննդամթերքի և դեղերի որակի վերահսկողության պետական վարչությունը հաստատել է COVID-19-ի 22 պատվաստանյութերի կլինիկական փորձարկումները, ասել է գործակալության խոսնակ Յուան Լինը: Հաղորդում է Ria.ru-ն։
«Չինաստանի սննդի և դեղերի պետական վարչությունն արդեն հաստատել է հինգ տարբեր տեխնոլոգիաների միջոցով մշակված COVID-19-ի 22 պատվաստանյութերի կլինիկական փորձարկումները», – հինգշաբթի Պեկինում կայացած մամուլի ասուլիսում ասել է նա:
Պատվաստանյութերի չորս տեսակները պայմանականորեն դուրս են եկել շուկա, ևս երեքը հաստատվել են երկրում արտակարգ դեպքերում օգտագործման համար:
Չինաստանում կորոնավիրուսի բռնկումից հետո տեղի գիտնականները և մասնագիտացված ընկերությունները սկսեցին ուսումնասիրել պատվաստանյութերի հինգ տեսակներ։Երկրի գլխավոր համաճարակաբան Չժոնգ Նանշանի խոսքով՝ ամենաարագ երկիրը մշակում է ադենովիրուսի վեկտորի և ոչ ակտիվացված պատվաստանյութի հիման վրա պատրաստված պատվաստանյութ: Նա նաև նշել է, որ սովորաբար անհրաժեշտ է հետևել կամավորներին ,ովքեր մասնակցել են հետազոտությանը կլինիկական փորձարկումներից հետո, դա սովորաբար տևում է մեկից երկու տարի, սակայն հաշվի առնելով COVID-19- ի տարածման տեմպերն ու մասշտաբները՝ այս հիվանդության պատվաստանյութերը շուկա մուտք կգործեն սովորականից արագ:
Կարծիքներ