Արտաշատի ոստիկաններն ապօրինի թմրաշրջանառության դեպքեր են բացահայտել․ կան ձերբակալվածներ

Ոստիկանության Արտաշատի բաժնի ծառայողներն օրերս ապօրինի թմրաշրջանառության երկու դեպք են բացահայտել։ Այս մասին տեղեկացնում է ՀՀ ոստիկանությունը։

Մարտի 10-ին անչափահասների գործերով և ընտանիքում բռնության կանխարգելման բաժանմունքի ծառայողները Արարատի մարզի Բաղրամյան գյուղի Արտաշատյան խճուղում հայտնաբերել և ձերբակալել են 31-ամյա մի տղամարդու։ Նրա խուզարկությամբ հայտնաբերվել է շուրջ 6 գրամ քաշով մարիխուանայի նմանվող զանգված։

Նա ներկայացվել է տարածքային քննչական վարչություն, որտեղ նախաձեռնվել է քրեական վարույթ։

Արտաշատի քրեական հետախույզներն էլ մարտի 11-ին են բացահայտել ապօրինի թմրաշրջանառության դեպք։ Նրանք Այգեստան գյուղում ձերբակալել են 32-ամյա մի տղամարդու։ Նրա մոտ հայտնաբերվել են 2 գրամից ավելի մարիխուանա և կաթուցիչ։ Նախաձեռնվել է քրեական վարույթ։

32-ամյա այգեստանցին ներկայացվել է Արարատի մարզային քննչական վարչություն։

Դեպքերի հանգամանքները նախաքննությամբ պարզվում են։