Կորեայի իշխանությունները հեշտացնելու են Հռոմի պապի Փհենյան ուղեւորության կազմակերպումը
Կորեայի Հանրապետության կառավարությունը կաշխատի բարենպաստ պայմաններ ստեղծել Հռոմի պապ Ֆրանցիսկոսի ԿԺԴՀ մեկնելու համար։ ТАСС-ի հաղորդմամբ՝ այս մասին KBS ռադիոյին տված հարցազրույցում հայտնել է Հարավային Կորեայի միավորման նախարար Լի Ին Յանգը։
«Մենք կտրամադրենք անհրաժեշտ աջակցությունը, սակայն նման ուղևորության հավանականությունը կմեծանա, եթե Փհենյանում համապատասխան որոշում կայացվի»,- ասել է նա։ Նախարարի խոսքով՝ այցը զգալի ներդրում կունենա Կորեական թերակղզում խաղաղության հաստատման գործում։
Անցյալ շաբաթ Հռոմի Պապ Ֆրանցիսկոսն ընդունել է Կորեայի Հանրապետության նախագահ Մուն Չժե Ինին մասնավոր լսարանի ժամանակ։ Զրույցի ընթացքում հատկապես ընդգծվել է կորեացիների միջեւ երկխոսությանն ու հաշտեցմանը նպաստելու անհրաժեշտությունը։
«Այս համատեքստում կողմերը կիսում են ընդհանուր ջանքերն ու ձգտումները Կորեական թերակղզում խաղաղություն հաստատելու համար՝ համերաշխության և եղբայրության ոգով», - ասված է Սուրբ Աթոռի մամուլի ծառայության հայտարարությունում հանդիպումից հետո։
Կարծիքներ