Իդլիբում ռուսական օդատիեզերական ուժերը հարվածներ են հասցրել ջիհադիստների բազաներին

Ռուսաստանի օդատիեզերական ուժերը նախօրեին նոր հարձակում են սկսել Սիրիայի հյուսիս-արևմտյան շրջանի վրա՝ Իդլիբի հարավային ծայրամասերում թիրախավորելով ջիհադականների բազաները, գրում է almasdarnews.com-ը։

Իդլիբի նահանգից ստացված տեղեկությունների համաձայն՝ ռուսական օդատիեզերական ուժերը հետախուզական թռիչքներ են իրականացրել Ջեբել Ազ Զավիա շրջանի վրայով՝ ջիհադիստների թիրախները բացահայտելու համար:

Հետախուզական թռիչքներից հետո ռուսական օդատիեզերական ուժերը ռմբակոծել են ջիհադիստների ռազմակայանները և թաքստոցները։

Մինչ այդ ռուսական օդատիեզերական ուժերը ջախջախիչ հարվածներ էին հասցրել Իդլիբի հյուսիսային շրջանում գտնվող «Ֆայլակ աշ Շամ» մարզումային ճամբարին, ինչի հետևանքով մահացել էր ավելի քան 100 զինյալ։