Ճապոնիան հրավիրվել է միանալու AUKUS պաշտպանական գործընկերությանը
Ճապոնիայի կառավարությունը ոչ պաշտոնական առաջարկներ է ստանում միանալու AUKUS պաշտպանական գործընկերությանը, որը Ավստրալիան, Մեծ Բրիտանիան և ԱՄՆ-ն ստեղծեցին անցյալ աշնանը: Այս երկրներն առաջին հերթին շահագրգռված են Տոկիոյի ներուժը կապել վերջին ռազմական զարգացումների հետ, ՏԱՍՍ֊ի հաղորդմամբ՝ երեքշաբթի օրը հաղորդել է Sankei թերթը:
Մասնավորապես, ըստ նրա, խոսքը Ճապոնիայի մասնակցության մասին է հիպերձայնային զենքի, էլեկտրոնային և կիբերպատերազմի, արհեստական ինտելեկտի և կրիպտոհամակարգերի ստեղծմանը։ AUKUS-ին միանալու առաջարկները, պնդում է թերթը, գալիս են այս կառույցի բոլոր երեք երկրներից։
Նրա խոսքով՝ Տոկիոյում կան գործընկերության մեջ մտնելու ակտիվ կողմնակիցներ, ինչը, նրանց կարծիքով, կմեծացնի Չինաստանի հավաքական զսպման ներուժը։ Միևնույն ժամանակ, կան նաև ավելի զգուշավոր մոտեցման կողմնակիցներ։ Նրանք հանդես են գալիս ԱՄՆ-ի, Մեծ Բրիտանիայի և Ավստրալիայի հետ երկկողմ պաշտպանական հարաբերությունների զարգացման սահմանափակման օգտին, որոնց հետ Տոկիոն արդեն ունի ռազմական համագործակցության առանձին պայմանագրեր։
Չորեքշաբթի օրը Տոկիոյում կայացած մամուլի ասուլիսում Ճապոնիայի կաբինետի գլխավոր քարտուղար Հիրոկաձու Մացունոն հերքել է թերթի հաղորդագրությունը։
Կարծիքներ