Airthings Masters. Արոնյանը 6-րդ տեղով դուրս եկավ եզրափակիչ փուլ
Շարունակվում է շախմատի միջազգային Airthings Masters առցանց մրցաշարը։ Խաղային երրորդ օրը կայացավ ևս 3 տուր։ Հայտնի են դարձել եզրափակիչ փուլի մասնակիցների անունները։
Հայաստանի շախմատի հավաքականի առաջատար Լևոն Արոնյանը 9-րդ և 10-րդ տուրերում ոչ-ոքի գրանցեց համապատասխանաբար Պենտալա Հարիկրիշնայի ու Դանիլ Դուբովի հետ։ 11-րդ տուրում Արոնյանը պարտվեց Դավիդ Անտոն Գիխարոյին։
Չնայած վերջին տուրում պարտությանը՝ Արոնյանը կարողացավ վաստակած 5,5 միավորով 6-րդ տեղով դուրս գալ եզրափակիչ փուլ։
Արոնյանից բացի եզրափակիչ փուլի ուղեգիր նվաճեցին նաև Մագնուս Կառլսենը, Ուեսլի Սոն, Հիկարու Նակամուրան, Յան Նեպոնյաշչին, Թեյմուր Ռաջաբովը և Մաքսիմ Վաշիե-Լագրավը։
Կարծիքներ