ՃՈ ուժեղացված ծառայություններ՝ Երևանում․ հայտնաբերվել է հետախուզվող 7 մեքենա
Հունիսի 2-ի գիշերը ճանապարհային ոստիկանության ճանապարհապարեկային ծառայության բաժնի և մարզերը սպասարկող 2-րդ սպայական գումարտակի ծառայողները Երևանում իրականացրել են ուժեղացված ծառայություն։
Մայրաքաղաքի տարբեր վարչական շրջաններից պահպանվող հատուկ տարածք տեղափոխվեց 10 ավտոմեքենա։
Հայտնաբերվել են հետախուզման մեջ գտնվող 7, թաղանթապատված դիմապակիով 1 տրանսպորտային միջոց։ Հայտնաբերվել է նաև առանց վարորդական իրավունքի վկայականի 3 վարորդ։
Ուժեղացված ծառայությունները պարբերական են։ ՀՀ ոստիկանությունը վարորդներին հորդորում է խստորեն պահպանել ճանապարհային երթևեկության կանոնները։
Կարծիքներ