Հռոմի պապը կոչ է արել դադարեցնել կրակը իսրայելապաղեստինյան հակամարտության գոտում
Հռոմի պապ Ֆրանցիսկոսը հույս է հայտնել, որ Իսրայելի և Պաղեստինի շուրջ ստեղծված ճգնաժամը չի ընդլայնվի և կոչ է արել «չսպանել երեխաների ապագան», որոնք ներգրավված են այս և այլ հակամարտությունների մեջ։
«Ես շարունակում եմ մտածել Պաղեստինում և Իսրայելում տիրող իրավիճակի մասին, որտեղ շատ մարդիկ են կորցրել իրենց կյանքը: Ես խնդրում եմ ձեզ Տիրոջ անունով, դադարեցնել կրակը: Հուսով եմ, որ բացարձակապես բոլոր ուղիները կօգտագործվեն՝ խուսափելու հակամարտության ընդլայնումից, որպեսզի օգնություն ցուցաբերվի վիրավորներին ևաջակցություն հասցվի Գազայի բնակչությանը, որտեղ հումանիտար վիճակը ծանր է»,- ասել է նա Վատիկանի Սուրբ Պետրոսի հրապարակում իր կիրակնօրյա քարոզն ավարտելուց հետո։
Պոնտիֆիկոսը նաև կոչ է արել ազատ արձակել պատանդներին, որոնց թվում կան բազմաթիվ երեխաներ, և նրանց վերադարձնել իրենց ընտանիքներին։
Կարծիքներ