Իջևան-Նոյեմբերյան ավտոճանապարհին մեքենաներ են բախվել. կան տուժածներ

Հուլիսի 24-ին, ժամը 11:42-ի սահմաններում Իջևան-Նոյեմբերյան ավտոճանապարհի 33-րդ կմ-ին բախվել են «Toyota Land Cruiser» (վարորդ՝ Մ․ Ղ․, ծնված 1967 թ.) և «BMW» (վարորդ՝ Վ․ Ա․, ծնված 1976 թ․) մակնիշների ավտոմեքենաները:

Դեպքի մասին տեղեկացնում է ԱԻ նախարարությունը:

Փրկարարները «BMW» մակնիշի ավտոմեքենայի վարորդին, ուղևորներ Մ․Ղ․-ին (ծնված 1951 թ.), Ղ․Ղ․-ին (ծնված 2001 թ.), Լ․Գ․-ին (ծնված 1981 թ.) և «Toyota Land Cruiser» մակնիշի ավտոմեքենայի ուղևոր Ն․Հ․-ին (ծնված 1967 թ.) դուրս են բերել ավտոմեքենաներից և մոտեցրել շտապօգնության մեքենային։

Տուժածները հոսպիտալացվել են Նոյեմբերյան քաղաքի ԲԿ: Բժիշկները նրանց առողջական վիճակը գնահատել են բավարար:

Փրկարարները հոսանքազրկել են ավտոմեքենաները և փակել գազի բալոնների փականները: