Ալեքսեյ Նավալնին տեղափոխվել է Բեռլին՝ Գերմանիայից Օմսկ ժամանած ինքնաթիռով
Գերմանիայից Օմսկ ժամանած հատուկ օդանավն առավոտյան մեկնել է Բեռլին՝ ռուս ընդդիմադիր Ալեքսեյ Նավալնիին տեղափոխելով գերմանական կլինիկաներից մեկը: Այդ մասին հայտնել է Նավալնիի մամուլի խոսնակ Կիրա Յարմիշը:
Ավելի վաղ հայտնի էր դարձել, որ Օմսկի բժիշկները թույլ են տվել, որ բլոգեր Ալեքսեյ Նավալնուն գերմանացի բժիշկները տեղափոխեն Բեռլին` բուժման նպատակով:
«Ալեքսեյին տեղափոխող օդանավը մեկնել է Բեռլին: Մեծ շնորհակալություն բոլորին իրենց աջակցության համար: Ալեքսեյի կյանքի և առողջության համար պայքարը նոր է սկսվում, և դեռ անցնելու շատ բան կա, բայց այժմ գոնե առաջին քայլն արվել է», - գրել է Յարմիշը Twitter-ում:
Կարծիքներ