Մերկելը Լուկաշենկոյի հետ խոսելու կարիք չուներ․ Լեհաստանի վարչապետ
Լեհաստանի վարչապետ Մաթեուշ Մորավիեցկին քննադատել է Գերմանիայի կանցլեր Անգելա Մերկելին՝ նոյեմբերին միգրացիայի հարցով Բելառուսի նախագահ Ալեքսանդր Լուկաշենկոյի հետ հեռախոսազրույցի համար։ Նման հայտարարությամբ նա հանդես է եկել հարցազրույցում, որը կիրակի օրը հրապարակել է DPA գործակալությունը։
«ԵՄ-ն պետք է ներգրավվի դիվանագիտական լուծում գտնելու հարցում: Սակայն, երբ կանցլեր Մերկելը զանգահարեց պարոն Լուկաշենկոյին, նա նպաստեց նրա օրինականացմանը», - ասել է նա: «Լուկաշենկոն նաև օգտագործեց Անգելա Մերկելի հետ զրույցը իր օգտին. 2 հազար միգրանտների տեղափոխում»,- հավելել է Մորավիեցկին:
Գերմանիայի Դաշնային Հանրապետության Նախարարների կաբինետն ավելի վաղ հայտարարել էր, որ այդ բանակցություններն անհրաժեշտ են սահմանին լարվածությունը նվազեցնելու և այնտեղ արգելափակված մարդկանց օգնելու համար։ Ոչ մի լեգիտիմացման մասին խոսք չի եղել, ասել է կառավարության խոսնակ Շտեֆեն Զայբերտը։
Կարծիքներ