Հունգարիայի արտգործնախարարը կեղծավորություն է համարում ԵՄ միգրացիոն քաղաքականության մեջ հայտարարված փոփոխությունները
Հունգարիայի դիվանագիտական ծառայության ղեկավար Պետեր Սիյարտոն Եվրամիության միգրացիոն քաղաքականության փոփոխության մասին հայտարարությունները մեծ կեղծավորություն է անվանել։
«Գիտեք, այս ամենը մեծ կեղծավորություն է»,- ասել է նա RT հեռուստաալիքին տված հարցազրույցում՝ պատասխանելով համապատասխան հարցին։
«Եթե նայեք Գերմանիայում կառավարական նոր կոալիցիայի փաստաթղթերին և հայտարարություններին, ապա կտեսնեք, որ այս ամենը մեծապես կապված է միգրացիայի հետ»,- հավելել է նա։
Լատվիայի, Լիտվայի և Լեհաստանի հետ Բելառուսի սահմանին միգրացիոն ճգնաժամը, ուր տարեսկզբից ներգաղթյալներ են շտապում, կտրուկ սրվել է նոյեմբերի 8-ին։ Մի քանի հազար մարդ բելառուսական կողմից եկել է Լեհաստանի սահման ու չի լքել սահմանային գոտին՝ փորձելով մտնել Լեհաստանի տարածք։ Նոյեմբերի 16-ին միգրանտները, պահանջելով իրենց համար անցուղի բացել հետագա շարժման համար դեպի Գերմանիա, սկսել են քարեր և փայտեր նետել Լեհաստանի անվտանգության ուժերի վրա, ի պատասխան նրանք արցունքաբեր գազ են կիրառել, ջրցան մեքենաների օգնությամբ հեռացրել են միգրանտներին։
Կարծիքներ