Քաղաքացիները ոստիկանության բաժիններում մեծ քանակությամբ ապօրինի զենք-զինամթերք են հանձնել

Ոստիկանության Շիրակի մարզային վարչության Ախուրյանի բաժնի ծառայողների բացատրական աշխատանքի արդյունքում Մարմաշեն գյուղի բնակիչներից մեկը կամավոր հանձնել է ձեռքի հակատանկային նռնականետ ու ինքնաձիգի 45 հատ փամփուշտ՝ հայտնելով, որ դրանք պատկանել են հանգուցյալ հորեղբորը։
Շիրակի մարզի Հովտուն գյուղի բնակիչներից մեկն էլ ոստիկանության Ամասիայի բաժնում կամավոր հանձնել է հանգուցյալ հորը պատկանած «Կալաշնիկով» ինքնաձիգն ու 7,62 մմ տրամաչափի 15 փամփուշտ, որոնք գտել է հացատան տանիքը մաքրելիս։
Լճափ գյուղում բնակվող մի տղամարդ էլ Գավառի ոստիկանների բացատրական աշխատանքի արդյունքում կամավոր հանձնել է «ՏՕԶ» տիպի ակոսափող հրազեն՝ հայտնելով, որ այն պատկանել է տարիներ առաջ մահացած հորը։
Ճամբարակի ոստիկանների բացատրական աշխատանքի արդյունքում էլ Վահան և Այգուտ գյուղերի բնակիչներից երկուսը կամավոր հանձնել են ինքնաշեն ատրճանակ ու կրակող սարք,նռնակի պայթուցիչներ և տարբեր հրազենների ու տրամաչփի 200-ից ավելի փամփուշտ։
Օհանավան գյուղի բնակիչներից մեկն էլ ոստիկանության Աշտարակի բաժնում կամավոր հանձնել է առանց գործարանային համարի ինքնաձիգ և ինքնաձիգի 20 փամփուշտ։ Տղամարդու հայտնածով զենք-զինամթերքը պատկանել են հանգուցյալ որդուն։
Ոստիկանության Արմավիրի բաժին զանգած քաղաացին հայտնել էր, որ Արմավիրի նախկին հացի գործարանի պարսպի մոտ զենք-զինամթերք է թողել։ Հիշյալ տարածքում հայտնաբերվեց առանց գործարանային համարի հրացան ու փամփուշտներ։
Վաղարշապատի ոստիկանների բացատրական աշխատանքի արդյունքում Տարոնիկ գյուղի բնակիչներից մեկը կամավոր հանձնել է թմբուկավոր ատրճանակ, մասնատված հրացան ու տարբեր տրամաչափի և հրազենների 100-ից ավելի փամփուշտ, որոնք գտել է նկուղը մաքրելիս։
Ոստիկանության Գորիսի բաժին զանգած մի քաղաացի հաղորդում էր տվել, որ կիսաքանդ շինության ներսում զենք-զինամթերք է գտել։ Տարածք մեկնած ոստիկանները հայտնաբերերցին «ՏՕԶ» տիպի հրազեն ու 450-ից ավելի տարբեր տրամաչափի փամփուշտ։
Քանաքեռ-Զեյթունի համայնքային ոստիկանների բացատրական աշխատանքի արդյունքում Երևանում բնակվող մի տղամարդ կամավոր հանձնել է ավտոտնակը մաքրելիս գտած հրացանը, նռնակի նմանվող առարկան, ինքնաձիգի փամփշտատուփն ու 100-ից ավելի փամփուշտը։
Երևանում բնակվող 46-ամյա մի կին ոստիկանության Շենգավիթի բաժնում կամավոր հանձնել է հանգուցյալ հորը պատկանած գորածարանային համարով հրացանը, պայթուցիչով նռնակն ու տարբեր տրամաչափի հարյուրից ավելի փամփուշտը։
Նշանակվել են դատաձգաբանական փորձաքննություններ։
Կրկին հիշեցնենք, որ ապօրինի պահվող զենք-զինամթերքը կամավոր հանձնողներն ազատվում են քրեական պատասխանատվությունից։ Այս համատեքստում ոստիկանների բացատրական աշխատանքը շարունակվում է։