Առուշ Առուշանյանը կմնա կալանքի տակ
Սյունիքի մարզի ընդհանուր իրավասության դատարանի Գորիսի նստավայրում դատավոր Գնել Գասպարյանի նախագահությամբ շարունակվել է Գորիս համայնքի ղեկավար Առուշ Առուշանյանի խափանման միջոցի հարցի քննարկումը:
Պաշտպանական կողմը կալանքը գրավով փոխարինելու միջնորդություն է ներկայացրել՝ նվազագույն շեմ առաջարկելով 20 մլն դրամը: Ամբաստանյալ Առուշանյանը չի ներկայացել դատարան: Պաշտպանները ընթերցել են նրա էլեկտրոնային դիմումը, ըստ որի՝ Առուշանյանը վատառողջ է և դժվար է հաղթահարում Գորիս-Երևան ճանապարհը:
Գորիսի քաղաքապետը մեղադրվում է քվեարկության գաղտնիությունը խախտելը նախապատրաստելու, կազմակերպելու և օժանդակելու, ինչպես նաև պաշտոնեական դիրքը չարաշահելով՝ ընտրական իրավունքի իրականացմանը խոչընդոտելու համար:
Դատարանը մերժել է պաշտպանների միջնորդությունը. Առուշ Առուշանյանը կմնա կալանքի տակ:
Կարծիքներ