Չնայած համաճարակին՝ ՀՀ-ի և Չինաստանի միջև առեւտրաշրջանառությունն աճել է գրեթե մեկ միլիարդ դոլարով
ՀՀ ԱԺ նախագահի տեղակալ Լենա Նազարյանն ընդունել է Հայաստանում Չինաստանի Ժողովրդական Հանրապետության նորանշանակ արտակարգ և լիազոր դեսպան Ֆան Յոնգին:
Այս մասին հայտնում է խորհրդարանի պաշտոնական կայքը:
ԱԺ փոխնախագահը շնորհավորել է դեսպանին պաշտոնն ստանձնելու կապակցությամբ: Կողմերն անդրադարձել են Արցախի դեմ սանձազերծված պատերազմին, ստորագրված եռակողմ հայտարարությանը՝ կարեւորելով փաստաթղթում ամրագրված դրույթների իրագործումը:
Լենա Նազարյանը շեշտել է հայ ռազմագերիների և գերեվարված անձանց վերադարձի հրատապության հարցը:
Դեսպան Ֆան Յոնգն իր հերթին կարևորել է հրադադարի հաստատումը և հույս հայտնել, որ չլուծված խնդիրները կկարգավորվեն:
«Անդրադարձ է կատարվել նաև ՀՀ-Չինաստան ուղիղ չվերթի գործարկմանը, մի շարք ոլորտներում համատեղ ծրագրերի իրականացմանը: Չնայած համաճարակին՝ հարաբերությունները պահպանվել են, անգամ աճ է գրանցվել առևտրատնտեսական ոլորտում. Առևտրաշրջանառությունն աճել է գրեթե մեկ միլիարդ դոլարով»,- ասված է հաղորդագրությունում:
Կարծիքներ