Վահագն Խաչատուրյանն աշխատանքային այցով ժամանել է Իտալիա, այցելել Սուրբ Ղազար կղզի
menu
Նատալյա Արզաքանցյանը այլևս Երևանի քաղաքապետի թեկնածու չէ
Ադրբեջանական զինուժը կրակ է բացել Սարուշեն գյուղի տարածքում աշխատող կոմբայնի ...
Ալեն Սիմոնյանն ու ԼՂ ԱԺ նախագահը քննարկել են Արցախում տիրող իրավիճակը
Ինչպե՞ս է արդարացնում իր իշխանության մնալը. Նիկոլ Փաշինյանը մանրամասնել է (տեսանյութ)
Նիկոլ Փաշինյանը հայտնել է, թե որոնք են Հայաստանի կարմիր գծերը Ադրբեջանի հետ բանակցություններում
Ներքին Գետաշենի մատուռի հարևանությամբ պոլիէթիլենային տոպրակի մեջ տղա երեխա ...
Պատրաստվում ենք դատի տալ «Իրազեկ քաղաքացիների միավորում» ՀԿ-ին. Գևորգ Պապոյանը ...
Երևան-Երասխ ճանապարհին մեքենան բախվել է կայանված բեռնատարին. վարորդը մահացել ...
Ինչ հարաբերությունների մեջ են Ադրբեջանն ու Ռուսաստանը. Ալիևը հայտարարություն ...
«Իսկ ո՞վ է նա, որ պահանջում է». վարչապետի աշխատակազմից արձագանքել են Ռուբեն Վարդանյանին
«Երևան դարձած, իմ Էրեբունի»-ն՝ վրացիների կատարմամբ. Աննա Հակոբյանը տեսանյութեր ...
Հռոմի ստատուտը ոչ մի կերպ ուղղված չէ Ռուսաստանի դեմ. Հակոբ Արշակյան
Շարժիչի հետ կապված միջադեպի պատճառով Երևան թռչող ինքնաթիռը վերադարձել է օդանավակայան ...
ԼՂ պետնախարարը անդրադարձել է Վիտալի Բալասանյանի հետ կապված իրավական գործընթացներին
Վահագն Խաչատուրյանն աշխատանքային այցով ժամանել է Իտալիա, այցելել Սուրբ Ղազար կղզի (տեսանյութ)
24/07/2023schedule10:14
Հանրապետության նախագահ Վահագն Խաչատուրյանը հուլիսի 23-ին աշխատանքային այցով ժամանել է Իտալիայի Հանրապետություն:
Նախագահ Վահագն Խաչատուրյանի գլխավորությամբ հայկական պատվիրակությունն այցելել է Սուրբ Ղազար կղզի, հանդիպել Մխիթարյան միաբանության հայրերի հետ և ծանոթացել կենտրոնի բարձրարժեք մշակութային ժառանգությանն ու ներկայիս գործունեությանը: Անմիջական մթնոլորտում Հանրապետության նախագահը զրուցել է միաբանության հայրերի և հայկական համայնքի ներկայացուցիչների հետ, պատասխանել նրանց հուզող հարցերին: Նախագահ Խաչատուրյանը շեշտել է, որ հնարավորության սահմաններում պատրաստակամ է աջակցել և նպաստել խոշոր կրոնամշակութային կենտրոնի գործունեության հանրահռչակմանն ու զարգացմանը:
Հանրապետության նախագահն ընդգծել է, որ ավանդույթ է դարձել Հայաստանի Հանրապետության բարձրագույն ղեկավարության՝ Իտալիա այցերի ընթացքում Վենետիկ այցելությունը, ինչը լավագույն առիթն է ևս մեկ անգամ արժևորելու Վենետիկում հայ ժողովրդի, և մասնավորապես՝ Մխիթարյան հայրերի անգերագնահատելի հոգևոր մշակութային ժառանգությունը, որը պատկանում է ոչ միայն հայերին և իտալացիներին, այլև համաշխարհային նշանակություն ունի։ Վահագն Խաչատուրյանը շեշտել է՝ նաև այս պատմամշակութային ժառանգության շնորհիվ է բյուրեղացել հայ-իտալական բարեկամությունը և նշանակալիորեն զարգացել երկու պետությունների միջև արդյունավետ ու բազմաշերտ համագործակցությունը։
Նախագահ Վահագն Խաչատուրյանն այցելել է նաև Վենետիկում ՀՀ պատվո հյուպատոսություն։ ՀՀ պատվո հյուպատոս Գագիկ Սարուխանյանը, ողջունելով նախագահին, նշել է, որ մեծ պատիվ է իր համար Վենետիկի ՀՀ պատվո հյուպատոսությունում հյուրընկալել նախագահ Վահագն Խաչատուրյանին: Հանդիպման ընթացքում հյուպատոս Գագիկ Սարուխանյանը նախագահին է ներկայացրել հյուպատոսության օրակարգային հարցերն ու ծրագրերը:
Հուլիսի 23-26-ին Իտալիայի Հանրապետություն աշխատանքային այցի ընթացքում նախագահ Վահագն Խաչատուրյանը հանդիպումներ կունենա Իտալիայի նախագահ Սերջիո Մատարելլայի, Իտալիայի բարձրագույն ղեկավարության ներկայացուցիչների հետ: Նախատեսված է Վահագն Խաչատուրյանի մասնակցությունն Ամբրոզետտի ուղեղային կենտրոնի և Աֆրիկայի ու Մերձավոր Արևելքի եվրոպական կորպորատիվ խորհրդի (ECAM Council)՝ «Համաշխարհային առաջնորդներն այսօր. բազմակողմանիությունն ավելի լավ ապագայի համար» խորագիրը կրող միջոցառմանը:
Կարծիքներ