Lockheed Martin-ը նախատեսում է կրկնապատկել Javelin հրթիռների արտադրությունը Ուկրաինայում ստեղծված իրավիճակի պատճառով

Ամերիկյան Lockheed Martin կորպորացիան մտադիր է կրկնապատկել արտադրված Javelin հակատանկային հրթիռային համակարգերի քանակը, որոնք մատակարարվում են նաև Ուկրաինային։ Այս մասին CBS- ին տված կիրակնօրյա հարցազրույցում ասել է գործադիր տնօրեն Ջեյմս Թայկլետը :

Թայկլետը նաև նշել է, որ արտադրությունն ուժեղացնելու տեխնիկական հնարավորություններ կան, քանի որ Lockheed Martin-ն արդեն ունի արտադրական գիծ: Այն ցուցադրվել է ԱՄՆ նախագահ Ջո Բայդենին Ալաբամայում կորպորացիայի գործարան կատարած վերջին այցի ժամանակ։

Lockheed Martin-ի գործադիր տնօրենն ընդգծել է, որ ակնկալում է Javelin-ի և Stinger-ի պահանջարկի հետագա աճ ԱՄՆ-ից և նրա դաշնակիցներից, ինչպես նաև, հավանաբար, Ասիա-Խաղաղօվկիանոսյան երկրներից: