Պակիստանի հյուսիս-արևմուտքում ահաբեկչության հետևանքով երկու մարդ է զոհվել

Պակիստանի հյուսիսարևմտյան Խայբեր Փախտունխվա նահանգում կիրակի օրը մահապարտ-ահաբեկչի կողմից իրականացված պայթյունի հետևանքով առնվազն երկու մարդ է զոհվել, չորսը վիրավորվել են։ Այս մասին հայտնում է ՏԱՍՍ-ը՝ հղում անելով The Nation թերթին։

Հարձակումն իրականացվել է Աֆղանստանի հետ սահմանի մոտ գտնվող Բաջաուր ցեղային շրջանում՝ տեղական ընտրությունների օրը։ Սպանվածների թվում է նաև Ավամի ազգային կուսակցության (NPA) շրջանային կազմակերպության ղեկավարը։

Շաբաթ օրը անհայտ հանցագործները կրակել են Խայբեր Պախտունխվայում NPA կազմակերպության ղեկավար Ումար Խաթաբ Շերանիի վրա։

Տարածաշրջանում գործող ծայրահեղական խմբավորումներից ոչ մեկը դեռ չի ստանձնել ՀԺԿ-ի ներկայացուցիչների սպանության պատասխանատվությունը։