Կալանավորները կարո՞ղ են մեկնել սահման. նախարարը պարզաբանում է
Կալանավորների խափանման միջոցը փոխելու դեպքում նրանք կարող են մասնակցել հայրենիքի պաշտպանությանը:
Այս մասին այսօր, ԱԺ-ում լրագրողների հետ զրույցում ասաց Արդարադատության նախարար Ռուստամ Բադասյանը՝ անդրադառնալով կալանավորների՝ առաջնագիծ գնալուն:
«Դա դատախազության տիրույթում է, բայց մենք կողմ ենք ցանկացած անձի ազնիվ մղմանը, եթե դա արդյունավետ կլնինի հայրենիքի պաշտպանության համար»,-նշեց նախարարը:
Խոսելով նախարարության կողմից ջոկատ ձևավորելու անհրաժեշտության մասին, Բադասյանը նշեց, որ իր տեղակալ Վահե Դանիելյանը միայնակ է մեկնել սահման, բայց եթե անհրաժեշտ լինի՝ ինքն էլ է պատրաստ:
Նախարարը խոսեց նաև պատերազմում ահաբեկիչների մասնակցության հարցով միջազգային ատյաններին դիմելու կարևորության մասին, նշելով.
«Բազմաթիվ ապացույցներ կան, որ թշնամին օգտագործում է վարձկան ահաբեկիչների: Երեք պետությունների ղեկավարներ ընդունել են սիրիացի վարձկանների առկայությունը հակամարտության գոտում և սա կարող է տարբեր հետևանքներ առաջացնել: Բազմաթիվ կոնվենցիաներով որոշակի ընթացակարգ է նախատեսվում և կառավարությունում բոլոր իրավական բոլոր պրոցեսները մանրամասն քննարկվում են»:
Կարծիքներ