Մավրիտանիայում ձերբակալվել է ինքնաթիռն առևանգող անձը
Անհայտ անձը, որ առևանգել էր Մավրիտանիայի մայրաքաղաք Նուակչոտում ուղևորատար ինքնաթիռ, ձերբակալվել է: Այս մասին ՌԻԱ Նովոստիին հայտնել է օդանավակայանի աղբյուրը:
Նրա խոսքով՝ զավթիչն ունի ԱՄՆ քաղաքացիություն: Տղամարդուն բերման են ենթարկել հենց օդանավակայանում:
Այլ մանրամասներ դեռ չեն հաղորդվում:
Ավելի վաղ հաղորդվել էր, որ անհայտ անձը Նուակկոտի միջազգային օդանավակայանում առևանգել է «Մավրիտանիա» ավիաընկերության Embraer ինքնաթիռը: Օդանավում ուղևորներ չեն եղել, և հարձակվողը սպառնացել է պայթեցնել ինքնաթիռը, եթե ուժայինները փորձեն գրոհել այն:
Կարծիքներ