Netflix-ն իր նախագծերում նկարահանվող դերասաններին կպարտադրի պատվաստվել կորոնավիրուսի դեմ

Ամերիկյան Netflix ընկերությունը սահմանել է հակակորոնավիրուսային պարտադիր պատվաստում իր նախագծերի դերասանների և նկարահանման հարթակներում նրանց հետ շփում ունեցող անձանց համար։ Այս մասին հայտնում է The Deadline պարբերականը՝ հղում անելով իր աղբյուրներին։

Այսպիսով, ընկերությունը դարձել է Հոլիվուդում առաջին ստուդիան, որը վիրուսի տարածման դեմ պայքարի նպատակով այդպիսի միջոցառում է սահմանել։ Բացառություններ կարվեն՝ ըստ բժշկական ցուցումների, կրոնական համոզմունքների, ինչպես նաև այն դեպքերում, երբ նկարահանումներն արդեն ընթացքի մեջ են։

Պարտադիր պատվաստման վերաբերյալ Netflix-ի որոշումը պայմանավորված է ԱՄՆ-ում կորոնավիրուսի 4-րդ ալիքով և Դելտա շտամի տարածմամբ։

Երկրում մինչ օրս կորոնավիրուսով է վարակվել ավելի քան 34․6 մլն մարդ, մահացել՝ ավելի քան 611 հազարը։