Pfizer-ը դադարեցնում է ներդրումները ՌԴ-ում

Ռուս-ուկրաինական ռազմական հատուկ գործողության ֆոնին ամերիկյան Pfizer դեղագործական ընկերությունը կդադարեցնի ծրագրված ներդրումները ռուսական շուկայում:

Այս մասին հայտնել է ընկերությունը պաշտոնական կայքի միջոցով:

Միևնույն ժամանակ ընկերությունը շեշտում է՝ չնայած ՌԴ-ում ներդրումների դադարեցմանը՝ կշարունակի դեղերի մատակարարումը:

«Pfizer-ը եկել է այն եզրակացության, որ մեր դեղերի Ռուսաստան մատակարարման դադարեցումը ուղղակիորեն խախտում է հիվանդների առողջության առաջնահերթությունը: Դեղորայքի մատակարարման դադարեցումը կհանգեցնի հիվանդների զգալի տառապանքների և հնարավոր կյանքի կորստի, հատկապես՝ երեխաների և տարեցների»,- ասված է հաղորդագրությունում։

Արտադրողները Ռուսաստանում իրենց բիզնեսի շահույթը կնվիրաբերեն Ուկրաինայի ժողովրդին՝ մարդասիրական օգնություն ցուցաբերելու համար: Բացի այդ, ընկերությունն այլևս չի անցկացնի կլինիկական փորձարկումներ Ռուսաստանում և կդադարեցնի նոր հիվանդների հավաքագրումը երկրում շարունակվող թեստերի համար: