Նավալնիի կնոջն ազատ են արձակել ձերբակալությունից հետո

Նավալնիի կնոջն ազատ են արձակել ձերբակալությունից հետո

Ռուս ընդդիմադիր գործիչ Ալեքսեյ Նավալնիի կնոջը՝ Յույիային, բաց են թողել «Սոկոլ» մոսկովյան ոստիկանության բաժանմունքից:

Ինչպես փոխանցում է «Կոմերսանտը», վերջինս նստել է մեքենան և հեռացել: Դեռևս հայտնի չէ, թե նրա ձերբակալության առնչությամբ արձանագրություն կազմվել է, թե ոչ:

Հիշեցնենք, որ նրան այսօր ավելի վաղ ձերբակալել էին ՌԴ մայրաքաղաքում անցկացվող չարտոնագրված բողոքի ցույցերի ժամանակ, որի մասնակիցները հավաքվել են իրենց աջակցությունը հայտնելու Նավալնիին: Վերջինիս ձերբակալել էին հունվարի 17-ին Բեռլինից Մոսկվա ժամանելուն պես:

Հունվարի 23-ին Ռուսաստանի տարբեր քաղաքներում Նավալնի աջակիցները ակցիաներ են իրականացնում, դրանց մասնակցում են նաև անչափահասներ:

Հաղորդվում է, որ ավելի քան 1600 մարդ է ձերբակալվել, որից ամենաշատը (513)՝ Մոսկվայում:  Նրանց թվում են 15 անչափահասներ: