Հռոմի պապը հուսով Է, որ Կատարում ֆուտբոլի աշխարհի առաջնությունը կօգնի ամրապնդել ժողովուրդների միջև եղբայրությունը
![Հռոմի պապը հուսով Է, որ Կատարում ֆուտբոլի աշխարհի առաջնությունը կօգնի ամրապնդել ժողովուրդների միջև եղբայրությունը](https://freenews.am/uploads/images/image_750x_637e24b4a7895.jpg)
Հռոմի Ֆրանցիսկոս պապը Սուրբ Պետրոսի հրապարակում կայացած հանրային ունկնդրության ժամանակ ողջունել Է Կատարի ֆուտբոլի աշխարհի առաջնության մասնակից մարզիկներին և հույս Է հայտնել, որ մրցաշարը կօգնի ժողովուրդների միջև եղբայրության և խաղաղության ամրապնդմանը: Այս մասին «Արմենպրես»-ը տեղեկանում է ՏԱՍՍ գործակալությունից:
«Ես կցանկանայի ողջունել խաղացողներին, մարզասերներին և հանդիսականներին, որոնք տարբեր մայրցամաքներից հետևում են Կատարում ֆուտբոլի աշխարհի առաջնությանը: Թող այդ կարևոր իրադարձությունն օգնի ժողովուրդների միջև եղբայրության և խաղաղության ամրապնդմանը», - ասել Է Ֆրանցիսկոսը:
«Աղոթենք հանուն խաղաղության ամբողջ աշխարհում և հանուն հակամարտությունների ավարտի», - ասել Է Հռոմի պապը: Կատարում ֆուտբոլի աշխարհի առաջնությունը կանցկացվի նոյեմբերի 20-ից մինչև դեկտեմբերի 18-ը: Կատարը դարձել Է առաջին արաբական երկիրը, որն իրավունք Է ստացել անցկացնելու աշխարհի առաջնությունը: Շուրջ 2,5 միլիոն բնակչությամբ պետությունում մրցաշարի ժամանակ սպասում են մոտ 1,5 միլիոն մարզասերների ժամանման:
Կարծիքներ