Չիլիում մեկ օրում 13 մարդ է զոհվել անտառային հրդեհների պատճառով
Առնվազն 13 մարդ է զոհվել ուրբաթ օրը Չիլիի կենտրոնական և հարավային շրջաններում բռնկված ուժեղ անտառային հրդեհների հետևանքով։ Այս մասին հայտնում են տարերային աղետների դեմ պայքարի ծառայությունից։
Իշխանությունների տվյալներով՝ գրանցվել է 204 հրդեհ, որից 56-ը վերցվել է վերահսկողության տակ։ Տուժած շրջաններում հայտարարվել է բնակչության տարհանում։ Հրդեհը ոչնչացրել է մոտ 100 տուն։
Բիո-Բիո և Նյուբլ շրջաններում հրդեհների պատճառով արտակարգ դրություն է հայտարարվել։
Կարծիքներ