ԼՂ-ում իրավիճակի պահպանումը սպառնում է հազարավոր մարդկանց կյանքին և անվտանգությանը. ՄԱԿ-ում Բրազիլիայի ներկայացուցիչ
Լեռնային Ղարաբաղի հարցով ՄԱԿ-ի Անվտանգության խորհուրդը նիստ է անցկացնում։
Մտահոգված եմ ԼՂ-ում մարդասիրական իրավիճակի վատթարացման մասին տեղեկություններով: Այս մասին հայտարարել է ՄԱԿ-ում Բրազիլիայի ներկայացուցիչը:
«Բրազիլիան հաստատում է, որ հանձնառու է հարգելու Հայաստանի և Ադրբեջանի տարածքային ամբողջականությունը՝ միջազգայնորեն ճանաչված սահմանների շրջանակում: սահմանների վերահսկողության խստացման ժամանակ պետք է հաշվի առնել մարդասիրական իրավունքի սկզբունքները, որպեսզի կանխվի անմեղ քաղաքացիներին պատճառվող տառապանքը: Ներկայիս իրավիճակի պահպանումը սպառնում է հազարավոր մարդկանց կյանքին և անվտանգությանը:
Կողմերին կոչ ենք անում գտնել մեխանիզմներ, որոնցով կապահովվի դեպի ԼՂ մարդասիրական օգնության անխոչընդոտ առաքումը, այդ թվում՝ Աղդամ-Ստեփանակերտ ճանապարհի հնարավորությունը: Մենք անհրաժեշտ ենք համարում հրատապ լուծում գտնել ճգնաժամին, որը կարող է ավելի վատթարանալ ձմռանն ընդառաջ»,- ասել է ՄԱԿ-ում Բրազիլիայի ներկայացուցիչը:
Նիստն անցկացվում է Հայաստանի պահանջով։
Կարծիքներ