Այսօր ընդունել եմ մարզի երեք ոսկե մեդալակիրներին. Արարատի մարզպետ

Այսօր ընդունել եմ մարզի երեք ոսկե մեդալակիրներին՝ Արմաշի և Դարբնիկի՝ ապրիլյան պատերազմի հերոս Ժորա Եսայանի անունը կրող միջնակարգ դպրոցների շրջանավարտներ Լուիզա Զեյնալյանին, Եվգենյա Ոսկանյանին և Հասմիկ Պետրոսյանին:

Շնորհավորելով դպրոցը բարձր առաջադիմությամբ ավարտածներին՝ հույս եմ հայտնել է, որ նրանց մոտ հետագայում սովորելու ձգտումը չի մարելու և բարձր առաջադիմություն են ցուցաբերելու այն բուհերում, որտեղ սովորում են:

Իմ խոսքում նշել եմ. «Մեր պատմության ծանր ժամանակահատվածում ենք ապրում և պետք է գիտակցենք՝ ուսումն ու բարձր առաջադիմությունն են մեր լավ ապագայի գրավականը: Գիտելիքով հայ ժողովուրդը պետք է աշխարհին ապացուցի, որ մյուս ազգերի շարքում ունի իր կարևոր դերը: Լավ սովորելով ձեր քայլն եք կատարել դեպի այս համոզմունքը: Ձեր գիտելիքները հանրային բարիք են, այն ծառայեցրեք ի շահ Հայաստանի և հանրության»:

Ակնկալել եմ նաև, որ ոսկե մեդալակիրների շարքերը հաջորդ տարիներին կհամալրվեն:

Շնորհակալություն եմ հայտնել նաև դպրոցի տնօրեններին, ուսուցիչներին, մարզպետարանի համապատասխան ստորաբաժանման աշխատակիցներին՝ ընդգծելով, որ պետք է աշխատանքները հետագայում այնպես տարվեն, որ հիմք հանդիսանան մարզում աշակերտների առաջադիմության բարձրացմանն ու ոսկե մեդալակիրների թվի ավելացմանը:

Մեդալակիրներին հանձնել եմ նաև մասնագիտական գրքեր:

Ի դեպ, այս տարի Արարատի մարզից ՀՀ բուհերի ընդունելության մրցույթին մասնակցել է 809 դիմորդ, որոնցից ընդունվել է հայտագրված 702-ը (86.8%): Ընդունված 702 դիմորդներից 94-ն ընդունվել են առաջին հայտով՝ ուսուցման անվճար հիմունքներով: