Ռոնալդուի դուբլն ու նոր համաշխարհային ռեկորդը․ Պորտուգալիան վստահ հաղթանակ տոնեց

Պորտուգալիայի հավաքականի հարձակվող Կրիշտիանու Ռոնալդուն պրոֆեսիոնալ բարձր մակարդակում (բարձրագույն լիգա, գավաթային, եվրագավաթային և հավաքականի կազմում հանդիպումներ) ամենաշատ հանդիպումների քանակով համաշխարհային ռեկորդ է սահմանել, հայտնում է Ֆուտբոլի պատմության և վիճակագրության միջազգային ֆեդերացիան (IFFHS):

Գրում է Armsport.am-ը։

39-ամյա պորտուգալացին ազգային հավաքականի կազմում մասնակցել է Իռլանդիայի դեմ ընկերական խաղին։ Այս խաղը Ռոնալդուի համար 1226-րդն էր կարիերայում։ Պորտուգալիայի հավաքականն այս խաղում 3-0 հաշվով հաղթանակ տոնեց, Ռոնալդուն դուբլ ձևակերպեց, ևս մեկ անգամ աչքի ընկավ Ֆելիշը։

Հարձակվողը գերազանցել է Բրազիլիայի հավաքականի նախկին դարպասապահ Ռոժերիո Սենիի ռեկորդը, որը 1225 հանդիպում է անցկացրել:

Ռոնալդուն նախորդ տարվա հունվարից հանդես է գալիս Սաուդյան Արաբիայի «Ալ-Նասր» ակումբում: Նա նախկինում հանդես է եկել «Մանչեսթեր Յունայթեդում», «Յուվենտուսում», «Ռեալում» և «Սպորտինգում»: