Հայաստանը կմասնակցի Վիեննայի սուրբծննդյան տոնավաճառին

Հայաստան

Միջազգային

Վերլուծություն

logo

Հայ

Radar

TV

 Հասարակություն

Հայաստանը կմասնակցի Վիեննայի սուրբծննդյան տոնավաճառին

Այսօր, 19:43

Հայաստանի մշակութային ժառանգության միջազգային հանրահռչակման և երկրի ճանաչելիության բարձրացման նպատակով նոյեմբերի 16-ից դեկտեմբերի 23-ը Հայաստանն առանձին տաղավարով մասնակցելու է Ավստրիայի մայրաքաղաք Վիեննայում կայանալիք Շպիտելբերգի սուրբծննդյան տոնավաճառին: Այդ մասին հաղորդում են ԿԳՄՍ նախարարությունից:

Ծրագիրն իրականացվում է նախարարության նախաձեռնությամբ՝ Մշակույթի զարգացման հիմնադրամի և «Հովհաննես Շարամբեյանի անվան ժողովրդական արվեստների թանգարան» ՊՈԱԿ-ի հետ համագործակցությամբ:

Հայկական տաղավարում ցուցադրվելու են շուրջ 40 վարպետի ձեռագործ աշխատանքներ, այդ թվում՝ կարպետագործության, խեցեգործության, տիկնիկագործության տարբեր նմուշներ և հուշանվերներ: Շպիտելբերգի Սուրբ Ծննդյան տոնավաճառը կայուն ավանդույթ ունեցող միջոցառում է, որը սկսած 1970-ական թվականներից՝ իրականացվում է Վիեննայի պատմական թաղամասերից մեկում:

Հայաստանի առաջին մասնակցությունը Սուրբ ծննդյան տոնավաճառին տեղի է ունեցել 2023 թվականին Ստրասբուրգում: