Վրաստանում 12-ից 15 տարեկան 106 երեխա ամբողջությամբ պատվաստվել է կորոնավիրուսի դեմ

Հիվանդությունների վերահսկման ազգային կենտրոնի ղեկավար Ամիրան Գամկրելիձեն ասում է, որ 12-ից 15 տարեկան 106 երեխա ամբողջությամբ պատվաստվել է կորոնավիրուսի դեմ պատվաստանյութով։ Հաղորդում է 1tv.ge-ն։

Ինչպես համակարգող խորհրդի նիստից հետո հայտարարել է Ամիրան Գամկրելիձեն, իմունիզացման խորհրդի համար պատրաստվել է գիտական ​​կոմիտեի որոշումը 12-ից 15 տարեկան երեխաների համար։

«Եթե նախկինում պատվաստում էինք անում միայն բժշկական նկատառումներով, ապա այսօր խոսում ենք ծնողների կամքով ու համաձայնությամբ բոլոր երեխաների պատվաստման մասին։ Այսօր 12-ից 15 տարեկան 106 երեխա լիովին պատվաստված է։ Կարծում եմ՝ վաղը կամ մյուս օրը կայանալու է պատվաստման խորհուրդը, դա արդեն իմունիզացման խորհրդի իրավասությունն է, ոչ թե մեծ խորհրդի։ Իմունիզացման խորհուրդը համապատասխան որոշում կկայացնի։ Դուք նաև գիտեք, որ երբ մենք թույլ տվեցինք պատվաստել 16-17 տարեկաններին, 10 000-ից մի փոքր ավելի 16-17 տարեկան պատանիներ պատվաստվեցին «Pfizer»-ով»,- ասել է Գամկրելիձեն։