Սարսափելի դեպք Երևանում. սպանել են ոստիկանության գնդապետի դստերը

Երեկ՝ մայիսի 4-ին, սպանություն է տեղի ունեցել Երևանում։ 

Shamshyan.com-ի փոխանցմամբ, այսօր՝ մայիսի 5-ին, ժամը 01։50-ի սահմաններում շտապօգնության «Արաբկիր» ենթակայանից ոստիկանության Արաբկիրի բաժին ահազանգ է ստացվել, որ բժիշկների հերթապահ խումբը կանչով մեկնել է Ադոնցի փողոցի շենքերից մեկը, որտեղ հայտնաբերել են կնոջ դի։ 

Դեպքի վայր են ժամանել ոստիկանության, քննչական կոմիտեի աշխատակիցները:

Նրանք նշված շենքի բնակարաններից մեկում հայտնաբերել են նույն տան բնակիչ 35-ամյա Տաթևիկ Աբրահամյանի դին։ 

Դատաբժշկի նախնական եզրակացության համաձայն՝ պարանոցի և դեմքի շրջանում կան բռնության հետքեր։  Հարուցվել  է քրեական գործ՝ ՀՀ քր.օր-ի 104 հոդվածի 1-ին մասի (սպանության) հատկանիշներով,  ստեղծվել  է քննչական խումբ։ 

Իրավապահները 35-ամյա Տ. Աբրահամյանին սպանելու կասկածանքով որոնում են նրա ամուսնուն՝ Արարատի մարզի բնակիչ՝ 31-մյա Նարեկ Սարգսյանին։ 

Ոստիկանները  պարզել են, թե սպանությունը կատարելուց հետո որ հնարավոր վայրերում կարող է լինի Ն. Սարգսյանը, այնուհետև ճշտելով գտնվելու հասցեն՝ կատարել են բացատրական աշխատանքներ, որի արդյունքում  նա ներկայացել է ոստիկանության Արտաշատի բաժին։ 

Կայքի տեղեկություններով՝ սպանված Տ. Աբրահամյանը ոստիկանության Կոտայքի մարզային վարչության նախկին պետ, Երևանի մի քանի բաժիններում նախկին բաժնի պետ աշխատած, ոստիկանության գնդապետ Ավետիք Աբրահամյանի դուստրն էր։