Աշխարհի 10 ամենահարուստ մարդկանց՝ համավարակի ընթացքում վաստակած գումարը կբավականացներ «բոլորի համար պատվաստանյութ գնելուն». Oxfam

Աշխարհի 10 ամենահարուստ մարդկանց՝ համավարակի ընթացքում վաստակած կարողությունը կբավականացնի ողջ աշխարհում բոլորի համար պատվաստանյութ ձեռք բերելուն: Ինչպես փոխանցում է BBC News-ն, այս մասին ասվում է աղքատության դեմ պայքարի հարցերով զբաղվող Oxfam միջազգային խմբի զեկույցում:

ինչպես նշվում է զեկույցում, միլիարդատերերի համընդհանուր կարողությունը հավասար է G20-ի բոլոր կառավարությունների կողմից կորոնավիրուսի դեմ պայքարի համար արվող բոլոր ծախսերին:

Միջազգային կազմակերպությունից կառավարություններին կոչ են անում հարկեր սահմանել մեծահարուստների նկատմամբ:

Համաշխարհային միլիարդատերերի կարողությունը 2020 թվականի մարտից դեկտեմբեր ընկած հատվածում աճել է 3,9 տրիլիոն դոլարով՝ հասնելով 11,95 տրիլիոն դոլարի:

Բացի այդ, նշվում է, որ 10 ամենահարուստ մարդկանց կարողությունը, որոնց թվում են Amazon-ի հիմնադիր Ջեֆ Բեզոսը, Tesla-ի սեփականատեր Իլոն Մասկը, Facebook-ի հիմնադիր Մարկ Ցուկերբերգը, բարձրացել է 540 մլրդ դոլարով: