Լևոն Քոչարյանը մանդատից հրաժարվածներին պատգամավորի 5 տարվա աշխատավարձ է խոստացել

 ՀՀ ԱԺ Հայաստան դաշինքի պատգամավոր Արմեն Չարչյանը հրաժարվեց պատգամավորի մանդատից և  եկեղեցու որոշմամբ նշանակվեց «Իզմիրլյան» բժշկական կենտրոնի տնօրենի պաշտոնում, գրում է MediaNews-ը:

Արմեն Չարչյանի մանդատն անցնելու էր Հայաստան դաշինքի նախընտրական ցուցակի հաջորդ անդամին, սակայն նույն դաշինքի հաջորդ 3 անդամները՝  Միհրդատ Մադաթյանը, Անժելա Նալբանդյան և Գերասիմ Վարդանյանը հրաժարվեցին պատգամավորի մանդատից, որպեսզի պատգամավոր սարքեն Լևոն Քոչարյանին։ Այսպիսով սույն դաշինքը ևս եկ անգամ ապացուցեց, որ ծառայում է բացառապես Քոչարյանի ընտանիքի շահերին, իսկ  Քոչարյան կրտսերին պատգամավոր սարքելով ցանկանում են վերջինիս ազատել քրեական պատասխանատվությունից։

Սակայն սա դեռ ամենը չէ, MediaNews-ի հավաստի տեղեկություններով Լևոն Քոչարյանը պատգամավորի 5 տարվա աշխատավարձ է խոստացել մանդատից հրաժարվածներին։ Բացի այդ խոստացել է հոգալ Գերասիմ Վարդանյանի փաստաբանական բոլոր ծախսերը, ով  անցնում է քրեական գործով։